اشتد الصراع بين نائب رئيس نادي سموحة ورجل الاعمال عمر الغنيمي مع المهندس فرج عامر رئيس النادي والتراشق بالألفاظ والاتهامات بينهما وكلا منهما يتهم الآخر اتهامات تمس الشرف عبر مواقع التواصل الاجتماعي وكلا منهما عبر صفحته الرسمية حيث كتب المهندس فرج عامر عبر صفحته
“ في اماكن ما ينفعش يكون فيها فساد ، لان ده اكبر مؤشر خطير جدا ، ما ينفعش يكون انسان مسالم يكون عايش مهدد ، ولما حد يكون عايز يذله او يبهدله بدون سند قانوني يفعل كدة لان في مسئول صديقه ، علامات استفهام كبيرة بتدور ازاي واحد معندوش قضية او تهمة ، يتبهدل ويتذل و يتصور ، ويتعمل فيه اللي اتعمل في الصحفي النقابي عاطف عبد الرحمن ، انا بطلب من وزير الداخلية يتدخل و يعرف مين اللي عمل كده ، احنا عارفينه ، هو ابن مين في مصر ، مصر ما ينفعش يكون فيها مراكز قوي ، مصر ما ينفعش يكون فيها بلطجية ، احنا عايشين في مصر لازم نكون امنين”
وكان رد نائبه عليه أيضا عبر صفحته بالتواصل الاجتماعي واصفا الرئيس بانه فرعون موسى وكتب وقال :
“ ااقولك انا ابن مين في مصر 🇪🇬
انا ابن راجل محترم رباني تربية محترمة بالرغم ان عندى ٤ اخوات بنات الا اني بنزل الشغل من وانا عندي ١٠ سنين بلف مصر كلها علشان اشوف شغلي وشغل ابويا
شاب زى اى شاب فى مصر دخلت الجامعة واخدت البكالوريوس بتقدير جيد جدا والماجيستير بتقدير امتياز والدكتوراه بتقدير امتياز
انا عمر الغنيمي اللي انت بتحاربنى من اول يوم دخلت فى النادى بالظبط زى فرعون موسي وبفضل الله كل مرة ربنا بينصرنى عليك
انا اللى رفضت ادخل معاك فى شركة ونصحتك انها حتدخلك السجن
انا اللي رفضت كل استغاثتك بالناس اللي بينى وبينك ورفعت استغاثة لرئيس الجمهورية ووزير الرياضة المحترم شكل لجنة علشان تشوف الموضوع وبالمناسبة الراجل البليغ اللي وهمك انه حيشرب اللجنة شاي بالياسمين بيشتغلك بس الغريب فى الامر ان اللجنة لسة مطلبتش تقعد معايا لحد دلوقتى ولا ناقشت المذكرة اللي انا مقدمها ع العموم انا لسه منتظر وبعد اللجنة فى نيابة ولو اللجنة لم تستدعينى انا حروح للنائب العام بنفسي
لان ابن مين فى مصر اللي ياسس شركة بنفس اسم النادى وياخد فلوس الاعضاء ويحول الفلوس من حساب النادى لحساب اتحاد ملاك اعضاء النادى تحت التاسيس البنك الاهلي فرع النادى ومنه الى حساب شركة خاصة اسمها زى اسم النادى فى بنك ابو ظبي التجارى دون رقيب او حسيب
هو صحيح القسط الاول اللي اتحول لهيئة المجتمعات العمرانية لارض المشروع وارض النادى اتحول من حساب شركتك ولا حساب اتحاد الملاك ومين اللي مضي عليه
أصل الخلاف هي رأيي المثبت في محضر مجلس إدارة نادي سموحة بعد خسارتك الرئاسة و رأيي لم يتغير ولن يتغير ولا يضيع حق وراءه مطالب
بكرة حنعرف مين فينا اللي ابن مين مصر
كما تقدم نائب رئيس نادي سموحة بمشاركة بعض أعضاء النادي باستغاثة لرئيس الجمهورية يطالبه بتحويل ملف فرع النادي في العلمين وشركة سانتوريني للجهات الرقابية والجهاز المركزي للمحاسبات لوجود أخطاء مالية وقانونية بها اهدار مال عام
