يبدو ان فوهة البركان في نادي سموحة ستُلقى بالحمم البركانية النارية في وجه الجميع وخاصة بعد القرار الذي مرره رئيس النادي واعترض عليه معظم الأعضاء والخاص بمديونية الإصلاح الزراعي التي تبلغ 40 مليون جنيه وبعد قام رئيس النادي المهندس فرج عامر بتمرير قرار بان يتحمل أعضاء النادي قيمة تلك المخالفة والمديونية بفرض رسوم إضافية بقيمة 500 جنيه على كل عضو بالنادي لمدة 12 عاما

وجدير بالذكر ان موقعنا قد انفرد بهذا القرار قبل الإعلان عنه وبعد ان ملأ رئيس النادي كلاما ان لديه الحل السحري وانه الوحيد الذي لديه الحل في هذا الامر وهذه المديونية جاء وحمل الأعضاء الليلة بالكامل

وبعد مكابره واخطاء سنين كان رئيس النادي يظهر في الأعلام ويتحدث بثقة وفي كل مرة قصة جديدة ومسلسل جديد افضل من مسلسلات رمضان في الاول قال ان الارض ملك النادي ومعه ما يثبت

وعاد وصرح بقوله ان هناك عقود ملزمه تحمي النادي

ورجع تاني قال رئيس الوزراء اتدخل والموضوع اتحل

والموضوع استمر حتى تفاقم والمشكلة تزيد وتكبر أمام عناد  مستمر من رئيس النادي علي مدار اكثر من عشر سنوات

ولما جات الفاتوره صدرها للاعضاء ويا ريت حتي وصل لاتفاق بالكلام ده لكن كالعاده الامر كله يدور في خيال رئيس النادي الذي قرر وفرض وقسم بدون اي موافقه من الجهه الأخرى

وقد جاء هذا القرار ليفجر اعتراضات أعضاء النادي بشكل كبير عبر مواقع النادي في التواصل الاجتماعي ومنها

اعتراض العضو حامد المصري

ياريت بس الحفلات والرقص ما يكونش بوابة لتغفيلنا

ياريت ما ننساش ان لسموحه حق في سانتوريني اللي اتاخدت باسم النادي واتحصلت. فلوسه باسمه واتعمل دعايته وتسويقه علي انه للاعضاء و لحد دلوقتي ما فيش قرار من لجان التفتيش بخصوصه

يا ريت ما يكونش مرتبات الجهاز الفني رجعت لمليون وربع شهريا ولما اعضاء مجلس محترمين قالوا لا اتخطط لهم عشان ما ينفعش ناظر العزبه يبعزق وحد يقوله لا

يا ريت بس خالد عبد الفتاح ما يروحش بلاش للاهلي ويبقي مجرد صفقه تبادليه يطلع منها النادي بلوشي

يا ريت بس نعترف ان لما اتقال ان الفريق بتاع الكرة ما يستحقش مصروف الا فرق المنطقه الدافئه ما نضحكش علي نفسنا ونصرف عليه كأنه فريق بياخد كل سنه بطوله مع انه بقاله ١٣ سنه معملش اي حاجه واتصرف عليه مليارات

يا ريت ما ننساش اننا اتغفلنا واتاخد قرار اننا نتحمل كوارث فرج عامر مع الاصلاح الزراعي وندفع الثمن من جيوبنا ويتاخد قرار بده مع ان فعلياً ما وصلناش لسه لحل معاه

ويا ريت قبل كده ما ننساش ان اللي فيه طبع مش هيغيره بعد سبعين سنه وان الحساب القديم ما اتقفلش واحنا فعلا بنتغفل  

كما اعترض نائب رئيس النادي السابق المقال عمر الغنيمي بقوله :

موش فاهم ليه نعمل قرار يلزم العضو الدفع لمدة 12 سنة

يعني هو مافيش امل ان بكرة تلاقي حل غير جيوب الأعضاء

مش ممكن نوفر موارد مختلفة ولا نقلل مصاريف ملهاش لازمة

وسجل رفضه بقوله انا وزملائي رفضنا قرار الزام الاهضاء ب 500 جنيه لمدة 12 عاما لحل مشكلة الإصلاح الزراعي ولكن تم تمرير القرار الان

والله اعلم ايه تاني هيتم تمريره من قرارات في الفترة اللي جاية .

وهناك عدد كبير من الاعتراضات ننشر صور بعضها

بينما جاء رد فرج عامر رئيس نادي سموحة عبر حسابه الرسمي بالتواصل الاجتماعي “تويتر” وفيسبوك ” بقوله  

مش حسيب مخالفات  نادي سموحة وحوصلها لاعلي  مستوي  وحتشوفوا ذلك ، مستوي ولن اترك فلوس اعضاء النادي  وحيدفع المدان ايا كان ، وعايز اعرف اللي اشتروا في بيتك في النادي فيلات وشقق واللي اشتروا شاليهات في الساحل الشمالي   والعربيات الجديدة جابوا الفلوس منين واحنا عارفين البير وغطاة  ومهم جدا  نشوف اعلام الوراثة ، دم سموحة لن يذهب هدر ابدا

ويبدو ان الأمر سوف يشتعل خلال الأيام القادمة فلمن ستكون الغلبة لرئيس النادي ام الأعضاء بعد دخل النادي عش الدبابير  لن يسلم احد من القرص .