وجه عمر الغنيمي نائب رئيس نادي سموحه رساله للقائم بأعمال الرئيس بنادي الاتحاد السكندري ” محمد احمد سلامه” والذي تحمل مسئوليه الرئاسه بعد استقاله نائب رئيس النادى احمد عبد المجيد وذلك عبر صفحته بالتواصل الاجتماعي فيسبوك قال له فيها :
في مواقف زي دي، المسؤولية مش منصب… المسؤولية أمانة.
تولي الصديق محمد أحمد سلامة رئاسة نادي الاتحاد السكندري في المدة المتبقية حتى الانتخابات قرار مش سهل، خصوصًا لما يكون بعد رئيس استثنائي زي الحاج محمد مصيلحي، واحد من أنجح وأهم من قادوا الأندية في مصر خلال السنوات الأخيرة.
عارف إنك مش من الناس اللي بتهرب من المواجهة أو بتختار الطريق السهل… وعارف كمان إنك داخل على مهمة كبيرة في وقت حساس، لكني واثق إنك قدها، وقد النادي الكبير اللي اسمه الاتحاد بحبك و اخلاصك و مجهودك اللي انا عارفه و متأكد منه.
ربنا يعينك ويوفقك في الخطوة دي، ويكتب لنادي الاتحاد وجماهيره العظيمة كل خير.
