البطولة: egyptian-premier-league
فتح أيمن يونس، نجم الزمالك السابق، النار على مجلس إدارة النادي، منتقدًا سياسة بيع اللاعبين خلال فترة الانتقالات الصيفية، وعلى رأسهم حسام عبد المجيد وخوان بيزيرا مطالبًا بوجود استراتيجية واضحة لإدارة النادي.
قال أيمن يونس في تصريحات تليفزيونية: «كان لازم يكون في خطة واستراتيجية من مجلس الزمالك، لكن أنتم كده عاوزين توقعوا الزمالك تاني، ويكون زي الإسماعيلي في يوم من الأيام»
.أضاف: «الفقر خلى نادي الزمالك مستباحًا في لاعبيه، والفقر اللي خلى واحد زي بيزيرا يلوي دراع النادي، لكن لو أنت نادي غني، ما كانش يقدر يقولك أنا ماشي»، مشيرًا إلى أن النادي كان بإمكانه الاحتفاظ بعدد من لاعبيه
.تابع: «لو أنت نادي غني، ما كنتش هتبيع حسام عبد المجيد ولا ناصر ماهر ولا دونجا ولا مصطفى محمد ولا ياسر إبراهيم.. إحنا عندنا فرقة متباعة، والزمالك لو ما كانش باع لاعيبه السنوات الماضية كان هيبقى أفضل نادي في إفريقيا»
.اختتم يونس: «مجلس الإدارة المفروض يدير نادي، وليس الصرف على نادي، والإدارة الرياضية علم وبيزنس مختلفان، والزمالك عنده 40 أو 50 مليون مشجع، ولازم تكون عنده فكرة واستراتيجية واضحة لتحويل النادي إلى مؤسسة محترفة، لكن كل اللي بيحصل ده تهريج».